HI TECH

Sony Walkman mbush 40 vjeç, në vitet 80 ishte ikona e trendit elektronik

Loading...

Ishte një mjet që në vitet 80 duhet ta kishte kushdo dhe ikonë e trendit elektronik të Japonisë… Sony Walkman ka mbushur 40 vjeç këtë vit dhe vazhdon të ketë fansat e tij të mesomoshës, që nuk duan të shkëputen prej tij dhe të kalojnë tek risitë ‘high tech’.

Më 1 korrik 1979, kur ekonomia globale ishte në gjendje jo të mirë, Sony lançoi aparatin e famshëm me butonat e argjendtë, Walkman TPS-L2.

Me një çmim prej 33 mijë jenësh, ose 300 dollarësh me vlerën e sotme, gjenerata e parë e walkmanëve nuk mund të regjistronte por muzika stereo që ai transmetonte pushtoi menjëherë zemrat e njerëzve në Japoni dhe në mbarë botën.

Pas një muaji të parë zhgënjyes në shitje, me vetëm 3 mijë njësi që përfunduan në duart e konsumatorëve, gjithçka ndryshoi. 1.5 milionë aparate nga modeli i parë u shitën në të gjithë botën. Modeli i dytë, me disa modifikime, u shit në 2.58 milionë copë. Dhe në katër dekadat që pasuan, Sony shiti më shumë se 420 milionë walkmenë dhe ndaloi prodhimin rreth 15 vite më parë.


Top Channel

Marre nga Top Channel

Loading...
SuperDyqani