KOSOVA

Prokuroria nis raportimin 24 orësh –

Loading...

Gjatë 24 orëve të fundit me urdhër të Prokurorit kujdestar të Prokurorisë Themelore të Prishtinës –Departamenti i Krimeve të Rënda, është ndaluar personi me inicialet B.S., me dyshimin se ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Me urdhër të Prokurorit kujdestar të Prokurorisë Themelore në Prishtinë – Departamenti i Përgjithshëm është ndaluar personi me inicialet V.H., me dyshimin se ka kryer veprat penale “Sulmi” dhe “Dëmtim në pronë”, njofton .

Ndërkaq, në Prokurorinë Themelore në Gjakovë, me urdhër të prokurorit kujdestar janë ndaluar 2 persona të dyshuar për veprën penale “Lëndimi trupor”.

Një i dyshuar tjetër është ndaluar me urdhër te Prokurorit për 48 orë, për veprën penale “Posedim i paautorizuar i narkotikeve”. Po ashtu, në mbajtje janë katër persona të dyshuar për shkak të veprës penale “Lëndim i lehtë trupor”.

Gjatë 24 orëve të fundit Prokuroria Themelorë në Gjakovë, ka bërë një kërkesë për caktimin e paraburgimit, për një person, për veprën penale “Dhunë në Familje”, dhe “Armëmbajtje pa leje”. Po ashtu, kjo prokurori ka marrë aktvendim për fillimin e hetimeve, për personin e njëjtë për veprën penale “ Dhunë në Familje”, dhe “Armëmbajtje pa leje”.

Gjatë 24 orëve të fundit në Prokurorinë Themelore në Pejë – Departamentin e Krimeve të Rënda, me urdhër të prokurorit është ndaluar një person i dyshuar për 48 orë, pasi që tek i njëjtit është gjetur narkotikë i llojit heroinë, e gatshme për shitje.

Prokuroria Themelore e Pejës – Departamenti i Krimeve të Rënda, ka bërë kërkesë për caktimin e masës se paraburgimit ndaj të pandehurit F.N, për shkak se i njëjti ka shkaktuar aksident me fatalitet me datën 11 maj në qendër të Pejës dhe kishte për të kryer veprën penale “rrezikimi i trafikut publik” neni 370, paragrafi 3, lidhur me paragrafin 1 të KPRK-së.

Loading...

Po ashtu, në Departamentin e Përgjithshëm të Prokurorisë Themelore të Pejës, janë ndaluar dy persona me nga 48 orë. Personi i parë është ndaluar nën dyshimin se viktimës i ka shkaktuar lëndime të lehta trupore, personi i dytë është ndaluar për shkak të dyshimit se i njëjtit ka kryer veprën penale “Pengim i Personit zyrtar gjatë detyrës zyrtare”.

Në Prokurorinë Themelore të Gjilanit – Departamenti i Krimeve të Rënda, ka paraqitur kërkesë për caktimin e masës së paraburgimit, ndaj të dyshuarit R.A. për shkak të dyshimit se ka kryer veprën penale ‘’Ngacmimi seksual’’.

Në Departamentin e Përgjithshëm të Prokurorisë Themelore të Gjilanit, është bë kërkesë për ndalimin e një personi për 48 orë, për shkak të veprës penale “Lëndimi i rëndë trupor”.

Prokuroria e Gjilanit- Departamenti i Përgjithshëm ka paraqitur kërkesë për caktimin e masës së paraburgimit, ndaj një personi, për shkak të veprës penale ‘’Lëndim i rëndë trupor’’.

Prokuroria Themelore e Gjilanit njofton se gjatë 24 orëve të fundit në fshati Pasjak, komuna Novobërdës, janë kryer dy vepra penale ‘’Vjedhje e rëndë’’.

Në Prokurorinë Themelore në Mitrovicë – Departamenti i Krimeve të Rënda, gjatë 24 orëve të fundit me urdhër të prokurorit kujdestar, është ndaluar një person i cili ka qenë në kërkim për shkak të dyshimit se ka kryer veprën penale “Narkotikët” nga neni 273.

Marre nga KlanKosova

Loading...
SuperDyqani