Aktualitet

Financial Times: BE të shpërblejë Maqedoninë e Veriut dhe Shqipërinë me hapjen e negociatave, ndryshe do ketë trazira

Loading...

“BE duhet të shpërblejë Maqedoninë e Veriut dhe Shqipërinë me fillimin e bisedimeve të pranimit në Samitin e qershorit, përndryshe, do të përhapen trazirat në të gjithë Ballkanin dhe kjo do të dëmtonte BE-në”, shkruan Financial Times.

Në artikullin e medias së huaj theksohet se Ballkani mund të jetë në prag të një trazire tjetër nëse BE nuk fillon bisedimet e anëtarësimit me Maqedoninë e Veriut dhe Shqipërinë.

“Vendimi duhet të jetë unanim për të hyrë në fuqi. Kryesisht për të mbrojtur veten kundër kundërshtarëve të brendshëm, disa qeveri, të udhëhequr nga Franca dhe Hollanda, hezitojnë të angazhohen në atë që duhet të jetë faza e ardhshme e zgjerimit të BE-së “, shpjegon kjo media.

Kjo media shkruan se nëse “Maqedonia Veriore duhej të miratohej me dyer të hapura të BE-së dhe Shqipëria duhej të qëndronte në dhomën e pritjes, një vendim i tillë i BE-së mund të shkaktonte rreziqe të caktuara.”

Duke pasur parasysh këtë, Financial Times paralajmëron se BE duhet të jetë e kujdesshme me vendimin e saj në Samitin e qershorit pasi kritikët e zgjerimit po vënë në dukje cilësinë e dobët të demokracisë dhe sundimit të ligjit në Ballkan, por BE gjithashtu duhet të ketë në mendje  entuziazmin e qytetarëve kur bëhet fjalë për reformat.

“Besimi i rajonit në BE dhe entuziazmi i popullit të saj për reformat e vështira të kërkuara për të fituar anëtarësim do të zbehet, nëse takimi i muajit të ardhshëm nuk do të dërgojë një sinjal pozitiv. Çdo gjë më pak do të përhapte çrregullime në të gjithë Ballkanin dhe do të dëmtonte BE-në, fajtor edhe një herë për të shtënë veten në këmbë”, përfundon kjo media.

Burimi: Europa western ballkans

J.V/Dosja.al

 

The post Financial Times: BE të shpërblejë Maqedoninë e Veriut dhe Shqipërinë me hapjen e negociatave, ndryshe do ketë trazira appeared first on .

Marre nga

Loading...