Paul Pogba rrëfen për vendimin e tij që t’i kthehej islamit –

Paul Pogba ka rrëfyer se kishte filluar të mendonte për shumë gjëra para se të kthehej në islam dhe të bëhej më i qetë përbrenda. Futbollisti francez, i cili në bëri një pelegrinazh në Mekë gjatë muajit të shenjtë të Ramazanit, nuk është rritur si mysliman, edhe pse nëna e tij e praktikon islamin.

Mirëpo, pasi kishte kaluar një periudhë të vështirë, ylli i Manchester Unitedit vendosi ta studionte fenë dhe të ndiqte shumë miq të tij duke u kthyer në besim. Pogba thotë se vendimi për t’iu përkushtuar fesë e ka bërë atë person më të mirë, shkruan Daily Mail.

Gjatë një interviste për The Times, mesfushori është pyetur se çfarë kuptimi ka për të të qenit mysliman: “Është gjithçka. Është ajo që më bën falënderues për gjithçka”.
“Më ka bërë të ndryshoj, t’i kuptoj gjërat në jetë. Më duket se më ka bërë më të qetë përbrenda. Ishte një ndryshim i mirë në jetën time, sepse nuk kam lindur mysliman, edhe pse nëna ime ishte (myslimane). U rrita thjesht ashtu, duke pasur respekt për të gjithë”.

“Islami nuk është imazhi që e shohin të gjithë – terrorizmi… Ajo që dëgjojmë në media, është diçka krejt tjetër. (Islami) është diçka e bukur. Duhet ta njohësh. Cilido mund ta gjejë veten të lidhur me islamin”, ka thënë Pogba.

Gjatë muajit të Ramazanit, 26-vjeçari së bashku me mbrojtësin e Chelseat, Kurt Zouma, bënë pelegrinazh në Mekë. Kjo nuk ishte hera e parë që ai e vizitonte Qaben, pasin e ka bërë edhe në të kaluarën.

I pyetur se pse vendosi të bëhej mysliman në të njëzetat, Pogba, i cili nuk konsumon alkool dhe e ka një fëmijë me të dashurën Maria Salaues, ka thënë: “Ndodhi (në atë periudhë), sepse kam shumë miq myslimanë. Flasim vazhdimisht. E pyesja veten për shumë gjëra, pastaj fillova ta bëja kërkimin tim personal”.

“U luta njëherë me miqtë e mi dhe u ndjeva ndryshe. U ndjeva vërtet mirë. Që nga ajo ditë, vazhdova. Duhet të lutesh (falesh) pesë herë në ditë, (namazi) është një nga shtyllat e islamit. Është diçka që bëhet”, ka thënë francezi.

Marre nga Balkanweb

Ramadani: As në ëndërr se kisha imagjinuar atë gol ndaj Moldavisë –

Mesfushori i Kombëtares, Ylber Ramadani, autori i golit të dytë u shpreh mjaft i kënaqur për golin e tij të parë më fanellën kuqezi dhe tha se vetëm në mengjes e mori vesh se do të luante titullarë.

“Jam shumë i kënaqur, falenderoj stafin, lojtarët e tjerë dhe publikun. Të gjithë na ndihmuan për golin, të realizoj golin as në ëndërr se kisha imagjinuar. Sot në mëngjes e mora vesh që do luaja titullar, më tha trajneri a isha gati. Mendoj se ndihem mirë me skemën, kisha siguri, trajneri më tha luaj si di vetë”.

“Të them të drejtën mora topin për të qarkulluar por pashë hapësirën dhe godita. Do shkoj fillimisht me pushime, më pas për merkato mendon menaxheri”, tha Ramadani.

Marre nga Balkanweb

Gjermania e kthen në stërvitje, mund 8-0 Estoninë.Fiton edhe Italia –

Gjermania ka shkatërruar me rezultatin e  thellë 8-0 Estoninë në kuadër të eliminatoreve për kualifikimet e Euro 2020. Gjermanët  shënuan pesë herë që në pjesën e parë, duke i mbyllur llogaritë shumë herët me këtë ndeshje.

Estonia ishte e pafuqishme përballë lojtarëve të Joachim Low. Marco Reus hapi takimin me golin e tij, ndërsa pas tij shënuan Serge Gnabry dhe Leon Goretzka.

Ilkay Gundogan shënoi golin e katërt, ndërsa pjesën e parë e mbylli Reus. Të gjitha golat e pjesës së parë u shënuan brenda harkut kohorë të 27 minutave. Në pjesën e dytë ekipi shënoi edhe tri herë të tjera me Gnarby 62′ , Timo Werner dhe  Leroy Sane.

Italia fitoi me përmbysje, 2-1 ndaj Bosnje Hercegovinës. Franca fitoi pastër me shifrat 0-4 në fushën e Andorrës.  Ndërsa Islanda fitoi sërish në shtëpi, këtë herë 2-1 ndaj Turqisë.

BalkanWeb

Marre nga Balkanweb

Ismajli: Kam lindur në Kosovë por jemi të gjithë shqiptarë –

Mbrojtësi i Kombëtares Ardian Ismajli, u shpreh i lumtur për fitoren dhe për lojën që zhvilloi ekipi. Mbrojtësi i cili ka lindur në Kosovë tha për RTSH se pavarësisht vendlindjes të gjithë jemi shqiptarë. Ai u shpreh se është shumë i lumtur edhe për ecurinë që po tregon ekipi i Kosovës në arënën ndërkombëtare.

“Kosova është vendi im, atje kam lindur. Ne jemi shqiptarë të gjithë. Sikur ne dhe Kosova, jemi një. Kemi pasur punë në ndeshjen e sotme, sepse kanë luajtur me topa të gjata. Në fushë është pak më vështirë. Duhet të lëvizësh gjatë gjithë kohës”, u shpreh Ismajli.

BalkanWeb

Marre nga Balkanweb

Cikalleshi: Ndjehem mirë në majën e sulmit, kthimi i Roshit… –

Sokol Cikalleshi u shpreh i lumtur për fitoren dhe për golin që shënoi në këtë mbrëmje ndaj Moldavisë. Për mikrofonin e RTSH, sulmuesi tha se kthimi i Roshit është i rëndësishëm, ndërsa në majën e sulmit ka më shumë mundësi për të shënuar.

“Jam i lumtur për fitoren, por edhe për golin që i hapi rrugën e ekipit te fitorja, Deri sa gjetëm golin e parë ishte e vështirë. Kthimi i Roshit është i rëndësishëm, jam i lumtur për të pasi ka vuajtur bashkë me Sadikun, por bëri kthimin më të mirë. Më Uzunin ishte hera e parë, me Balaj kemi vite. Ndihem mirë me Balajn, edhe në Islandë ishim mirë pavarësisht se u mundëm. Edhe me Uzunin ndjehem mirë edhe ose hera e parë, ato i di trajneri.”

“Ndjehem mirë nën majën e sulmit, por duke qenë më afër portës kam mundësi të jem afër golit. Por duke qenë se minutat po kalonin, unë punova për t’u kthyer e për të marrë topin. Kohët e fundit, nuk mund të them kritika, pasi edhe medias dhe publiku është në favor të Kombëtares, por golat duhet të vijnë nga sulmuesit dhe gëzimi ishte i madh pasi duhet të funksionojnë hallkat”, tha Cikalleshi.

Marre nga Balkanweb

Duka: I lumtur për fitoren, kemi ndeshje të mëdha përpara –

Presidenti i FSHF, Armand Duka nuk e ka fshehur tensionin që ka pasur gjatë ndeshjes me Moldavinë. Ai u shpreh për ‘Supersport’: “Tashmë, pas lojës jam i kënaqur, sepse kisha shumë presion deri kur bëmë golin. Edhe humba besimin.”

“Epokat nuk nisin kështu, si me thikë. Kjo ishte një detyrë shtëpie për të fituar. Edhe në letër, mendohet se jemi një ekip më i mirë se Moldavia, edhe pse çdo ndeshje është e vështirë. Nëpërmjet këtij rezultati, kemi më shumë vetëbesim, i jep besim stafit, si dhe një atmosferë më pozitive. Ne nuk jemi një skuadër e madhe, por me klimë pozitive. Me mbështetjen e të gjithëve mund të shkojmë larg”, shtoi Duka.

“Nëse do marrim ekipet në letër, kemi marrë fitore ndaj dy ekipeve më të dobëta se ne. Kemi punë të madhe para. Edhe pse ka pasur rezultate surprizë, ka diferenca sepse nuk ka pasur barazime, ka pasur vetëm fitore”, tha Duka.

Ndërsa për golin e Cikalleshit Presidenti Duka u shpreh: “U kënaqa që shënoi sepse ka qenë nën presion, ka bërë disa shtylla, dhe uroj të ketë hapur rrugën vetes për gola dhe fitore të tjera.”

Marre nga Balkanweb

Edi Reja: Nëse nuk do fitonim do të kishim frikë për të ardhmen –

Trajneri i Kombëtares, Edi Reja në një prononcim pas ndeshjes me Moldavinë tha se fitorja ishte një detyrim në të kundërt ekipi do të kishte frikë për ecurinë në të ardhmen prandaj kjo fitore i dha shtysën e nevojshme ekipit kuqezi.

“Na duhej fitorja dhe filluam mirë. E arritëm fitoren pasi duhej me lojën që ne bëmë. Djemtë ishin të shqetësuar nga humbja ndaj Islandës dhe nëse nuk do të fitonim, futbollistët do të hynin më shumë në frikë dhe ky do të ishte një problem”, u shpreh Reja.

” Nuk fitohet pa djersitur dhe çdo fitore ka vuajtje. Në pjesën e dytë kishim Roshin më para dhe në çdo ndeshje duhet të djersijmë. Në mbrojtje patëm pak problem pasi kishin disa raste ata por me Cikalleshin dhe Roshin i dhamë skuadrës një tjetër frymë”, u shpreh italiani.

Marre nga Balkanweb

Fitore e 3 pikë me Moldavinë, por sa vuajtje për të gjetur golin –

Një fitore e rëndësishme sa një edicion! Kështu mund të cilësohet suksesi ndaj Moldavisë, një sukses i vuajtur, që erdhi vetëm në pjesën e dytë, por që në fund vlen tre pikë dhe lejon Shqipërinë të ëndërrojë, pasi kreu është vetëm 3 pikë larg.

Në përballjen e zhvilluar në “Elbasan Arena”, Edi Reja kishte vendosur të bënte ndryshime të mëdha në krahasim me takimin e humbur në Islandë. Jashtë loje Kastriot Dermaku, Migjen Basha, Taulant Xhaka, Bekim Balaj dhe Sokol Cikalleshi. Nga minuta e parë rikthehej Mërgim Mavraj, që mbante dhe shiritin e kapitenit, Ylber Ramadani, Ergys Kaçe, Armando Sadiku dhe Myrto Uzuni. Gjashtë të tjetër të pandryshuar, skema po ajo, 3-5-2, me Hysajn dhe Lenjanin që vepronin nga krahët.

Dhe pikërisht Hysaj ka momentin e parë të mirë për shënim në minutën e 8-të, por topi del mbi tra, pasi anësori i Napolit nuk godet siç duhet. 12 minuta më pas është Armir Abrashi që mund të koordinohej më mirë në zonë. Topi fluturon larg. Minuta e 24-ët dhe moldavët janë me fat. Gjuajtja e rreptë e Sadikut nga jashtë zonës pritet mrekullisht nga Koshelev, ndërsa tentativa e dytë e Lenjanit ndalet nga mbrojtja.

Shqipëria pretendon një penallti në të 32-ën. Armash e prek topin dukshëm me dorë, por nuk është i mendimit për ndëshkimin ekstrem kryesori finlandez. Moldavia shfaqet për herë të parë në këtë fraksion loje në të 39-ën, por gjuajtja e Damashkan është qëndrore dhe pritet pa vështirësi nga Etrit Berisha. Pjesa e parë mbyllet me rrjeta të paprekura, ndonëse kuqezinjtë kanë dominuar.

Në pjesën e dytë, trajnerët u besojnë titullarëve, ndërsa janë moldavët ata që japin shkëndijën e parë, kur Suvorov bën gjithçka mirë, veç gjuajtjes, ndërsa në të 54-ën Tamashkan gjuan rreptë, por me fat Berisha që sheh topin të dalë jashtë.

Reja vendos të ndryshojë. Jashtë Sadiku dhe Lenjani, në fushë Cikalleshi dhe Roshi, me fierakun që zë korsinë e majtë. Dhe pikërisht “raketa” do të jetë ai që do sjellë panik në mbrojtjen moldave në disa momente, për të kulmuar me inkursionin e minutës së 66-të, kur fton Cikalleshin në gol, me kavajasin që gjen rrjetën e parë kuqezi dhe i jep fund mallkimit të shtyllave.

Shqipëria tani kërkon të ulë ritimin dhe bën gabim sepse në minutën e 80-të Boicuic është pa fat kur sheh gjuajtjen e tij me kokë të dalë pak sipër traut të Berishës. Moment ky që shkund tanët dhe i bën të shohin nga porta mike. Gjithçka kulmon me golin e shkëlqyer të Ylber Ramadanit. Ish-mesfushori i Partizanit lëviz bukur në hyrje të zonës dhe shkarkon të djathtën duke e mposhtur Koshelevin në shtyllën e tij dhe duke vulosur suksesin e dytë të Shqipërisë në grupin H.

Tashmë, pas 4 ndeshjes, kuqezinjtë e drejtuar nga Edi Reja janë në vendin e tretë në grup me 6 pikë. Kryesojnë në kuotën e 9 pikëve tre ekipe, Franca, Turqia dhe Islanda. Për momentin, çdo gjë mbetet e hapur për Kombëtaren tonë!

(j.s/BalkanWeb)

Marre nga Balkanweb

Shqipëria mund Moldavinë –

Fitorja e parë nën drejtimin e Edy Reja. Shqipëria mundi me rezultatin 2 – 0 Moldavinë të martën në Elbasan, duke mbajtur gjallë shpresat për një vend në finalet e Euro 2020.

Reja e nisi me thuajse gjysmën e ekipit të ndryshuar në krahasim me ndeshjen e para disa ditëve me Islandën në Rekjavik. Në sy binte përfshirja në sulm e dyshes Sadiku – Uzuni. Shqipëria krijoi më shumë volum loje dhe krijoi më shumë raste, madje në mesin e pjesës së parë iu afrua golit. Goditja e Sadikut u ndal portieri kundërshtar.

Në pjesën e dytë kuqezinjtë u shfaqën më kërkues, ndërsa përfshira në lojë e Roshit e Cikalleshit solli ndryshim. Prej tyre erdhi goli që zhbllokoi rezultatin. Roshi kaloi disa lojtarë kundërshtarë në zonë, duke ia bërë më të lehtë Cikalleshit të shënonte.

Kuqezinjtë nuk u kënaqën me kaq dhe në kohën shtesë ishte Ramadani, i cili realizoi sërish për Shqipërinë. Një fitore me vlera pas Franca mundi 4 – 0 Andorrën dhe Islanda ia doli të triumfojë 2 – 1 me Turqinë. Shqipëria ruan vendin e katërt në renditje me rivalët, të cilët janë 3 pikë larg. Ndeshja e radhës do të jetë më 7 Shtator në fushën e Francës kryesuese.

Tv Klan

Marre nga TvKlan

Shqipëri-Moldavi, në tribunë tifozët hapin banderolën “Rama ik” –

Po të shihni këtë video të kapur pak minuta më parë në tribunën e stadiumit “Arena Kombëtare” në Elbasan do kuptoni që politika ka “kapur” edhe sportin.

Një grup tifozësh në tribunën e stadiumit në vend të ndonjë flamuri kuq e zi kanë hapur një banderolë me shkronjat: “Rama ik”.

Gazetari Fatmir Popja ka mundur të sigurojë për “BalkanWeb” foto dhe video të momentit kur tifozët përçojnë mesazhin politik nga stadiumi.

Marre nga Balkanweb