Aktualitet Lajme

Balla me deklaratë të fortë: “E dinë ç’i pret nëse pengojnë qoftë një zgjedhës nga votimi”

Loading...

Ditën e sotme, Taulant Balla ka prezantuar listën e 51 kandidatëve për këshilltarë të PS në Këshillin Bashkiak të Elbasanit.

Teksa ka qenë në një takim me deputetët e Elbasanit, kryetarin e bashkisë dhe kandidatin për kryetar për zgjedhjet e 30 qershorit, Gledian Llatja, Balla u ka uruar sukses kandidatëve.

Në fjalën e tij, Balla ka theksuar rëndësinë e zgjedhjeve të 30 qershorit, duke thënë se ato nuk do të shtyhen dhe ka paralajmëruar se kushdo që pengon qoftë një zgjedhës nga votimi, Kodi Penal parashikon sanksionet përkatëse.

“Kodi Zgjedhor parashikon që 30 qershori është afati i fundit për zgjedhjet vendore. Është shumë e rëndësishme që ne t’i përmbahemi respektimit të parashikimeve të Kodit Zgjedhor përsa i përket zhvillimit të fushatës. Fushata do të zhvillohet vetëm në 30 ditët e parashikuara nga kodi dhe për ne si Parti Socialiste, zhvillimi i një fushte në respektim të të gjitha kushtëzimeve që vendos Kodi Zgjedhor është mjaft e rëndësishme.

Zgjedhjet do të zhvillohen. Kush guxon të pengojë, qoftë edhe një zgjedhës të vetëm të shkojë për të ushtruar të drejtën e vet, Kodi Penal është i qartë. Të gjithë e dinë se çfarë i pret nëse guxojnë të pengojnë një zgjedhës të shkojë të votojë, nëse guxojnë të dëmtojnë një qendër votimi, apo një material votimi. Derisa të fillojë fushata, ne jemi shumë të vetëdijshëm se Shqipëria pret një vendim shumë të rëndësishëm siç është fillimi i bisedimeve për anëtarësim, rekomandimi i Komisionit Europian, i cili me të gjitha gjasat dhe konfirmimet do të jetë një rekomandim pozitiv.

Çdo përpjekje, qofshin me bomba molotov, apo me dhunë kundër institucioneve për të penguar fillimin e bisedimeve, për të penguar rrugën europiane të Shqipërisë, për të penguar vijimin e mëtejshëm të Reformës në Drejtësi nuk ka për t’ja dalë dot. Kjo është një gjë e sigurt. Të gjithë shqiptarët janë të bindur se ne duhet të ecim në rrugën e nisur.” u shpreh Balla.

 

The post Balla me deklaratë të fortë: “E dinë ç’i pret nëse pengojnë qoftë një zgjedhës nga votimi” appeared first on Zonë E Lirë.

Burimi

Loading...