KOSOVA Lajme

Apel që të mos vritet ariu i Prizrenit

Loading...

Instituti Kombëtar i Shëndetësisë Publike të Kosovës (IKSHP) ka apeluar që të mos vritet Ariu i Murrmë i Prizrenit.

Reagimi i IKSHP vjen pasi Inspektorati i Agjencionit të Pyjeve, ka dhënë autorizim për vrasjen e një ariu që po shkakton dëme në rajonin e Prizrenit dhe një gjë e tillë pritet të bëhet brenda 15 ditëve.

Përmes një postimi në Facebook – ky institut bën thirrje që të mos vritet edhe ariu i shumëkërkuar.


Më tej thuhet se duke ruajtur kafshët, ruajmë natyrën dhe mjedisin ku jetojmë.

Postimi i plotë i IKSHP:

“Ruani kafshët!
Ruani ariun!
Ruani natyrën!
Ruani mjedisin ku jetoni!

E keni ruajtur ekosistemin dhe shëndetin tuaj!”, ka apeluar ky institucion përmes Facebookut.

Kundër vrasjes së ariut ka dalë edhe Agjencia për Mbrojtjen e Mjedisit në Kosovë (AMMK).

Sipas kësaj agjencie ariu është kafshë në mbrojtje të ligjit të natyrës, dhe se do të paditet çdo institucion i cili vret një kafshë të mbrojtur nga ligji.

Ndaj vendimit për vrasjen e Ariut të Murrmë kanë reaguar edhe institucione e personalitete të shumta.

Marre nga GazetaBlic

Loading...