Dasma që po tërbon Tiranën, merr nusen me helikopter mbi taracën e vilës VIDEO

20

Çuditë nuk kanë të sosur në Shqipëri.

Një e tillë ishte rezervuar për sot në Tiranë, në zonën e Saukut ku në këtë të dielë po zhvillohet një dasëm e pazakontë. Një emigrant nga Italia ia ka dalë që ti habisi të gjithë duke e marë nusen me helikopter.

Një trend që sa vjen dhe po bëhet gjithnjë e më normal, si një mundësi për ti dhuruar vetes në ditën më të shënuar të jetës, një kujtim të paharruar për veten, bashkëshorten e pse jo edhe për komshinjtë.

Ndryshe nga shumë të tjerë që krijojnë karvane me makina e bori, ai ka zgjedhur nusen ta marri me helikopter nga fshati Koçaj në Baldushk dhe ta sjelli në Sauk.

Megjithëse distanca ështe fare e shkurtër, kjo nuk ka patur rëndësi në përzgjedhjen e dhëndrrit emigrant, por zhurma në këtë rast vlen më shumë se qëllimi.

Në këtë rast, ndryshe nga zakonet tona, nusja nuk hyn nga “dera” po nga “çatia”. I pranishëm mes dasmorëve është dhe helikopteri që është ulur në taracën e vilës.