koncept edhe këtë sezon të ‘Portokalli’ me disa të reja në kombinimin e personazheve, apo karaktereve të rinj që do të zbulohen në shfaqjen e parë të trupës së “Portokalli”-së nesër në mbrëmje. Në lidhje me largimet dhe prurjet e reja në stafin e aktorëve në këtë sezon, regjisori pohoi se “nuk ka asnjë largim prej aktorëve, ndërkohë që do të shfaqen për herë të parë dy protagonistë të rinj në trupë, që janë aktori i njohur i kinemasë Gent Hazizi, dhe një aktor tjetër i ri. Sezonin e kaluar u larguan nga “Portokalli” Niku nga Kosova dhe Drilon Hoxha, djali që imitoi Kryeministrin Sali Berisha. Muajt e përgatitjeve për numrat e rinj të këtij sezoni janë shoqëruar paralelisht me audicionet e vazhdueshme për përzgjedhjen e aktorëve të rinj. Edhe këtë vit nuk do të mungojnë paroditë e dy prezantuesve Salsano Rrapi dhe këngëtares Eneda Tarifa. Për sa u përket të rejave të tyre, ata do të vazhdojnë të prezantojnë në të njëjtin stil dhe koncept si vitin e kaluar. Një nga momentet kulminante të protagonizmit të tyre në skenë ka qenë kënga e së dielës, që i kushtohej një qyteti të caktuar të Shqipërisë, si një dedikim artistik për kthimin e vëmendjes te qytetet e harruara./Panorama Plus
